寫完咁文縐縐嘅開場白，跟住落黎就更系打回原型啦！^_^

 

爲咗今次旅程，除咗整咗個獨家Team Logo之外，仲試玩下印Tee。印出黎嘅效果都算几理想，不過由于本人太貪靚嘅關係，自己嘅Logo畵得細膩過頭，反而好多detail位印唔上件t shirt度，反而益咗隔離個兩位。唉，個故事再次教訓我，出位系無好結果嘅。

 

 

另外爲咗記錄今次旅程的相片質素可以得以保證，不覚意間竟然踏咗半只腳入影相發燒友嘅行列。普通幾塊爛鬼玻璃（濾鏡）加碌竹（腳架），搞到我個荷包俾人插咗幾刀。睇黎d發燒友都系血多過頭，放下血當减肥（難怪見到大部分龍友都好似几好飲食咁。。。）^_^ 

   

 

講完兩樣都系關于shopping嘅野，就到講返d正經事了。由于其中一位好友有突然意料以外的事，唔可以同我地聽日一齊出發，所以難免感到遺憾。但意外永遠都系旅行中其中一樣好marvelous嘅野，正因爲有咁多估唔到嘅事與物，先可以令我地感受到旅游不同於平時每日如生産流水綫嘅孤燥生活。而且我深信，依d咁小兒科嘅意外，我個friend一定好快搞得掂。我地嘅Trip系一個不能少！！！（不過如果少一個可以換幾個女仔，我系唔會介意嘅）^_^